人愈大會愈冇朋友~~

去到某個年紀開始,身邊會愈來愈少朋友(或正確D來講,係愈來愈少同朋友聯絡).到左我呢D年紀,如果冇拖拍或未結婚,放假或過時過節真係要食自己.....靚仔真係唔悶得的,以前都話成班麻甩仔相依為命,成日都會一齊出街,就算無無聊聊,去打機,出旺角都會有人陪,就算夜晚收工,食完飯都要爬落樓下公園坐番陣,大個D,大家都拍拖喇,都會有女友相依為命,星期六,日,過時過節都有人理......而家既假期好多時都係屋企.....好少出街,由細玩大而又有KEEP住聯絡的朋友大多都結婚或拍緊拖....冇咩人會理你~~就算有街去都係去飲酒~~唔想去咩,但又悶啊......所以一定會去~~~

係屋企的時候阿爸阿媽成日都眼望望,有D望到你都眼怨的感覺~~我知佢地諗咩....我又何嘗唔係咩,但...我都冇計~~我都好想你地開心的~~明天會更好啦....

就好了。

A公司一個文員薪酬15000元，B公司同樣一個文員卻只值9000元，在B公司工作的覺得不合理，要求將薪金提升至15000元及發起罷工，「我地要同工同酬！！！唔公平」。卻沒有想起當初是你情我願的接受B公司薪金提意及為什麼A公司沒有聘請他，是否他的水平跟本達不到A公司的要求，不去考慮自己因數，卻在埋怨社會不公，是什麼道理？？人多，罷工，引起社會注意就是合理的？就是對的？與多年前公屋寵物戶強行要政府修例的無賴行為有什麼分別？討厭這種人，討厭這種行鷹。你們就有政府可以搶，我知道有很多graphic designer的薪酬都比我高，請問我可以去那裡搶？不吐不快～～個人感受～～

慘啊~~7月買左隻股票,買左後一路跌,市升佢唔升,市跌佢第一個飛撲出黎跌......一路睇住身家縮水,心裡就一路希望佢升,成日同自己講隻野點好點好,遅下一定升....呃左自己成4個月,忍受左4個月的痛苦,上星期終於忍唔住~~引刀一快,蝕放左....好痛苦,蝕左成個月糧,係成個月啊~~世界末日咁~~冇了,輸晒了....聖誕生日都冇錢玩冇錢買野比自己了.....嗚.....嗚.....

在此呼籲,睇過呢篇文章的各方好友,請伸出同情之手,金錢或禮物的捐助無任歡迎,請記住~~世界因您的善心而變得更美麗,更美好,做左好事,人都會靚d,醒d,重會心想事成,要咩有咩,唔信試下~~唔好諗啦,立即行動,救救小虎虎啦~~~~

今個月8次的目標已達，但我不會自滿，依舊會keep住跑。跑左差不多成個月，同大家分享下跑時的所見所聞。原來夜晚真係好少女孩子跑步的，好日都唔見一個，同埋D女孩子跑步好認真的，著得好靚好光鮮，無汗味，跑得好斯文的，完全聽唔到呼吸聲。但D男就唔同，跑到好似捉賊咁，呼吸聲離好遠都聽到。天時凍，好少人跑步，但真係好浪費，條路其實真的很好跑，但無問題，會有D阿叔阿姐佢地會用呢條路散步，佢地會幾個人平排咁係條路到行，慢慢咁行，要過佢地一定要屈大灣先得。有時又會有D細路仔重覆以上動作再加幾支煙。

今晚會落去跑，有咩特別野再同大家報道～～

星期日係Martha，自不然又出來慶祝，食飯落吧，例牌活動。個晚去左新地方食飯，砰石大酒樓，有人去過話底食，屋邨酒樓，殘殘舊舊咁，埋單每人要夾2百幾蚊，底咩？？比平時重貴，食完飯又去飲野，今次唔去網上，話去新地方，但去到間野，D人又熟口熟面，咪又係係網上打蠆個班人，原來間野係網上個客開的，咁除左地方唔同，裝修唔同之外，同去網上有咩分別，都係無女，無新客，把鬼。不過個晚狀態唔錯，幫家姐同老高頂左唔少都重返到屋企.....

Martha話介紹佢公司個女仔比我識，但D仆街就叫「Martha,唔好啊！！！唔好害左人啊，一世架。」挑，睇下點。